معرفة الأجهزة المتصلة بالإنترنت والتحكم بها من الأندرويد والويندوز

- حاليًا أغلب الأجهزة اللوحية والهواتف الذكية بقت بتدعم تقنية "الواي فاي" حيث أن "الواي فاي" بقى جزء مهم جدًا من حياتنا وأغلب شغلنا متوقف على وجود إنترنت.

وهنا نتعرض لمشكلة إن أي شخص يعرف "كلمة السر" الخاصة بشبكة الواي فاي للراوتر بطريقة ما، ودا هيتسبب في بطء شبكة الإنترنت المنزلية للكثير من المستخدمين.

1-معرفة من معك على الشبكة بدون برامج:

الدخول إلى إعدادات الراوتر من متصفح الإنترنت المثبت على الكمبيوتر وكتابة IP الراوتر وهو في الغالب دا "192.168.1.1" و ساعات بيكون دا "192.168.1.0" بعد كدا هتكتب الـ Username والـ Password.

عادةً بيبقوا مكتوبين الإتنين كلمة "admin"! 

ولو كانوا مختلفين فبيبقوا مكتوبين على ظهر الراوتر.. 

بعد الدخول هتختار Status ثم بعد ذلك LAN ثم تختار Ethernet وبعد كدا هتلاقي جميع الأجهزة المتصلة بالشبكة وعنوان IP و MAC address ظهر لكل الأجهزة المتصلة معاك على نفس الشبكة وتفاصيل تانية كتير زي ما باين في الصورة:  

2/التحكم بالمتصلين بالشبكة وفصل النت على المتصلين بالشبكة:

بنفس الخطوات اللى قبل كدا زى ما فتحنا اعدادات الراوتر بس المرة دى هندوس على "WLAN" وبعدها هنحدد "Maximum number of accessing devices" زى ما واضح في الصورة:

3-افضل برامج للتحكم في إعدادات الراوتر وفصل الانترنت عن المتصلين:

في برامج مخصصة عشان تعرف جميع الأجهزة المتصلة بالراوتر بتاعك زي برنامج "Selfish net" وبرنامج "Wireless Network Watcher"..

1-دي واجهة البرنامج واللي هناخد منه الـ Mac address زي ما ظاهر على الشاشة كدا:

2-هنشوف الأجهزة الغريبة واخد الـ Mac address بتاعها.  

3-هرجع تاني أفتح إعدادات الراوتر من "WLAN" بعدين "WLAN Filtering" بعدين هدوس على Enable لو مكانتش متفعلة

زي ما هو متوضح في الصورة كدا:

وفي المكان اللي عند "Source MAC address" هضيف الـ MAC address مع الحرص على وضع العلامة ":" بعد كل حرفين بدل من "–" في حالة إنك خدت الـ MAC Address كوبي..

وبالخطوات البسيطة دي، نقدر نحظر أي جهاز من إنه يستخدم الراوتر وهتعرف كل جهاز بيدخل عندك.

4-مميزات وعيوب برنامج Selfish net:

يتميز التطبيق بمعرفة كم جهاز مشترك في الراوتر " يتيح للمستخدم معرفة سرعة جهاز الراوتر ومعرفة الأشخاص الذي يقوم بتحميل ملفات من الشبكة وبيقدم تقرير مفصل بالسرعة المسحوبة من كل جهاز"، الجهاز بينزل على الأندرويد والويندوز يعني ممكن من موبايلك تجيب الـ MAC Address للأجهزة وتعرف مين معاك على نفس الشبكة.

بس عيوب البرنامج إن في حالة عمل حظر لأي جهاز والجهاز دا إتعمل له إعادة تشغيل فـ كدا هيرجع عادي على الشبكة وهتضطر وقتها تدخل تاني تعمله حظر.

ودي واجهة الأبلكيشن على أندرويد وويندوز.

وطبعًا في غيرهم من التطبيقات اللي ممكن تستخدمها بس إحنا إخترنا لك البرامج اللي شايفينها سهلة فى التعامل.

بقلم: هايدي ياسر عضو تيم سوشيال التراس حاسبات ومعلومات.