هنكلمكوا دلوقتي عن حاجه هتسمعوا عنها كتير جدا و هي ال student activity أو الأنشطة الطلابية
◀️في الاول يعني ايه اصلا student activity؟ 🤔
ال student activity ده نشاط طلابي بيندرج تحت بند الأعمال التطوعية يعني مكان مش بيديك مقابل مادي بيكون دورهم انهم يقربوك من سوق العمل و هتلاقيهم بينظموا ايفينتات و يجيبوا ناس خبرة في المجال عشان ينقلوا خبرتهم غير شغلهم ال online و في أماكن بتدي شهادات لما السيزون يخلص.
◀️طب انا ليه ادخل SA ؟
1️⃣ هتاخد experience رهيبة منها ودي بقا مش هتاخدها من حياتك الجامعية العادية ولا المحاضرات لانها بتخليك تكون شبكة علاقات عظيمة و بتحسن ال soft skills بتاعتك كلها و دي حاجة كلنا محتاجينها أيًا كان الكارير بتاعنا ايه 👌🏻
2️⃣علي حسب التيم اللي بتقدم فيه بتاخد ال experience بتاعته يعني لو تيم pr هتتعلم presentation skills هايلة و هتتعلم تعمل deals و حاجات تانية كتير و نفس الفكرة لو انت تيم technical مثلا فهتتعلم حاجات academic اكتر و تطبق عليها.
3️⃣ الحاجات اللي بتتعلمها في ال SA بتكون مختلفة لأنك بتطبق عليها و بتاخد tasks و مش بتكون لوحدك لا بتكون جروب و بيكون فيه روح تنافس و حماس جميلة🤩.
و بتبقي خدت experience أو فكرة عن الشغل الحقيقي هيكون ازاي لانك هتكون فهمت يعني ايه deadline و اتعودت تخلص تاسكاتك قبله
4️⃣لو بصيت دلوقتي علي ال requirements بتاعة الوظائف على websites زي wuzzaf أو فرصنا أو غيرها هتلاقي من ضمنهم انك تكون في SA أو عمل تطوعي ففك انك تدخل SA بقت حاجه مهمة و مطلوبة جدا في سوق العمل لانك بتكون اخدت على جو الشغل فكرة انه بيتعملك انترفيو و بتاخد تاسكات و فاهم ال deadline و فاهم ال teamwork ازاي و انك ليك head او team leader و هكذا كلها حاجات بتكون موجودة في شغلنا بعدين و بتكون انت already جربتها فده بيديك advantages هايله لانك already عارف كل ده مش زي اللي يجربه لأول مرة 😎
◀️في ناس كتير بتفكر طب ازاي انظم وقتي بين الدراسة و بين ال SA الموضوع هيكون صعب؟ 😟
أول حاجة الناس اللي في ال SA دي بتكون طلبه زيها زيك فعارفين انت محتاج وقت قد ايه و كده فبيقدروا النقطة دي جدا ساعه التاسكات وmeetings و تقريبا كل ال SA بيعملوا freez ساعه الميدتيرم و الفاينل و البروجيكتات عشان بنكون كلنا مسحولين فيهم
كل اللي انت محتاجه تنظم وقتك صح بين الدراسة و بين ال SA و هتلاقي التجربة تستحق فعلاً
◀️واخيرا خلينا نأكد على نقطة ان من خلال الكيانات دي انت هتوسع علاقاتك الاجتماعية و دا بيعود عليك بالنفع بعد كدا سواء على المستوى الشخصي أو على المستوى العلمي و العملي ❤️
#عرفوهم_حاسبات
