ايه هو icpc

 زي ما اتكلمنا عن ال "problem solving" في البوست اللي فات فهى مهارة حل مشكلات عملية بأمثلة حياتية عن طريق كتابة كود 

و من خلالها بتفتحلك باب ان يبقا عندك خبرة كويسة جدًا في ال "Algorithms" و ال "Data structures" و دول من أهم أساسيات البرمجة👌

طب ازاي تبدأ في ال "problem solving"؟

⭕️تقدر تشارك في مسابقات "ICPC" 

🔴ايه هى بقى المسابقة دي و ايه شروطها وازاي أشارك فيها؟

⭕️أولًا:"ACM" اختصار "Association for Computing Machinery"

و هى جمعية دولية علمية للحوسبة و هى اكبر مجتمع للحوسبة العلمية والتعليمية في العالم و كانت هى المسؤولة عن تنظيم المسابقة لحد 2017

امّا "ICPC" فهى اختصار: "International Collegiate Programming Contest " المسابقة البرمجية التنافسية بين طلاب جامعات العالم

تعتبر "ICPC" أولمبياد مسابقات البرمجة و بيشارك فيها أكثر من 50000طالب و 3000 جامعة منتشرة في 111 دولة حول العالم

🔴المسابقة بتكون أربع مراحل:

⭕️المرحلة الأولى ال "local":بتتنافس الفرق على مستوى جامعتها كل جامعة على حدا (كل فريق بيتكون من تلات أشخاص)

⭕️المرحلة الثانية  "ECPC" :بتتنافس الفروق اللي تأهلت من المرحلة الأولى على مستوى الدولة

⭕️المرحلة الثالثة  "ACPC" :الفرق الفائزة في المرحلة السابقة بتتنافس على مستوى إقليمها(على مستوى الوطن العربي)

⭕️المرحلة الأخيرة "ICPC":بتتنافس على مستوى العالم(بيكون لكل فريق مدرب)

الفرق اللي في المراكز الأربعة الأولى بيفوزوا بالميدالية الذهبية🥇

والفرق اللي بتحتل المراكز من الخامس حتى الثامن بتفوز بالميداليات الفضية🥈

و الفرق في المراكز من التاسع الى الثاني عشر بتحصل على الميداليات البرونزية🥉

و طبعا الفريق الاول هو اللي بيفوز بالكأس و بيكون بطل العالم🏆

⏏️مدة المسابقة في كل مرحلة خمس ساعات بيتراوح عدد المسائل اللي المتسابقين بيتنافسوا على حل أكبر عدد منها من 8 إلى 15 مسالة متفاوتة في الصعوبة في حال تساوى فريقين بعدد المسائل بيتم فرزهم حسب الوقت 

⏏️اللي بيشارك في المسابقة شرط يكون اقل من 23 سنة

⏏️فيه في أغلب جامعات مصر تقريبا "ICPC community" بتساعد الطلبة على تأهيلهم للمسابقة دي و شغلهم كمان بيكون تطوعي 

#عرفوهم_حاسبات