معظمنا بيسأل في حاجات عن التكنولوجيا عمومًا، فأنت بتفتح الكومنتس، بتلاقي ناس بترد وفاهمة ما شاء الله، هما بيوصلوا للمعلومات دي ازاي؟
الناس دي زي ما تقول Google دا صاحبها🌟
كلمة How to هي أساس حل مشكلتك، بمعنى ايه؟ بمعنى إنك لو مثلًا محتاج تعرف حل مشكلة إنك تضيف صفحة جديدة في الـ Word، طب مش عارف؟ بص الحل بسيط جدًا، هتكتب كدا على جوجل:
How to add new page in word.
مش لازم الإنجليزي بتاعك يكون Perfect، المهم تعرف أنت عاوز توصل لايه، ومتقلقش عمنا Google فيه AI عالي فمتقلقش من حوار الإنجليزي دا، هتلاقيه بيعمل Auto correct لوحده.😉
خلصنا من حتة إنك كتبت المشكلة صح؟ دلوقتي هتلاقي يجي 500 لينك ظهرلك، هتبدأ تشوف ال "results" اللي بتظهرلك و مع السيرش الكتير عن كذا حاجة هتلاقيك عرفت أهم مواقع اللي عليها معلومات عن ال "Technology"
و ايه هي ال "Sites" اللي تلجأ لها لما تحتاج معلومة معينة 💥
طب أنا مش بفهم إنجليزي أو معنديش وقت أترجم؟ ماتقلقش، دا بالتعود هتلاقي الموضوع سهل بالنسبالك
غالبًا المشاكل الباقية هيكون حلها إنك تحط نفس كلمة الـ How to، بعدين تحط الجزء اللي أنت مش عارف تعمل له Solve
لما تعتمد على كدا قبل ما تخش حاسبات، حقيقي مفيش أي حاجة هتقف معاك، و الكلام دا هيخليك تعتمد على نفسك، هيزود معرفتك بكل حاجة كمان لما تستخدم كلمة ?..What is ... و معاها الحاجة اللي أنت عاوز تعرف معلومات عنها مثلًا أنت عاوز تعرف ايه ال computer science دا
ببساطة خالص هتكتب على جوجل كالتالي:
What is computer science ?
و قيس على كدا أي حاجة
دي Tips بسيطة بنستخدمها عشان نعتمد على نفسنا و نلاقي إجابات الحاجات اللي عاوزين نعرفها
خلّي Google صاحبك، لما تحتاجه هتلاقيه واقف جنبك وبيدي ليك كل الحلول اللي تحتاجها
"محدش بيدخل الكلية عارف أو فاهم كل حاجة، إحنا طول دراستنا و حتى شغلنا بنفضل بنتعلم"
#عرفوهم_حاسبات
