الجامعات المصرية سواء حكومية أو خاصة، بيبقى فيهم نظامين، النظام العام ونظام الCredit hours..✔️
⏏️نظام الـ Credit hours: دا بقى بيبقى عبارة عن GPA، اللي هي اختصار لـ Grade Point Average، ودي معناها المعدل التراكمي، ودا بكل بساطة، إن كل مادة ليها عدد ساعات معينة، ولو نجحت في المادة دي، تبقى اجتازت عدد ساعات معين، بمعنى إن كل ترم ليك عدد ساعات معين "على حسب الجامعة" لازم تجتازه عشان تقدر ترفع من معدلك التراكمي، وتنجز في عدد ساعاتك
وطبعًا زي ما إحنا عارفين، كل حاجة ليها مميزات، وليها عيوب ⭐
1️⃣مميزات نظام الـ Credit hours: أجمل حاجة في النظام دا إنك تقدر تسجل مواد وتخلص كليتك لو هي 4 سنين، تخلصها في 3 سنين ونص مثلًا، ودي حاجة مش موجودة في النظام العام بشرط إنك تنجز عدد ساعاتك كاملة علشان تتخرج.
ومن مميزاته برضه إن مبقاش في حاجة اسمها إنك تعيد السنة عشان 3 مواد مثلًا، لو لقدر الله سقطت في مادة هتدخل تمتحن في المادة دي، مش الترم كله ولا السنه كلها.
وكمان مش بيجبرك إنك تاخد مواد معينة، بمعنى أنت في سنة تانية مثلًا ممكن تاخد مادة من رابعة، بس الأهم إنها متكونش بتتطلب إنك تعدي من مادة عشان تفتحها وكدا..بمعنى ان فيه مادة اسمها برمجة 1 عشان تسجل المادة دي لازم تكون ناجح في مادة مبادئ برمجة و مش كل المواد طبعا بتبقي فيه مادة تانية بتفتحها
2️⃣عيوب نظام ال Credit hours: هو إنك لو قعدت تشيل مواد كتير، هتضطر تتأخر سنة أو ترم عن دفعتك، لأنك هتكون مجتازتش عدد ساعات معينة من الترم، وبالتالي هتسجل المادة دي في السمر
(السمر دا بتسجل فيه مواد لقدر الله أنت شايلها وعاوز تحسن فيها، أو بتسجل مواد عاوز تخلصها من عليك عشان تريّح نفسك قدام)
3️⃣التقديرات في نظام الـ Credit hours بتكون كالتالي:
خلينا متفقين إن الـ GPA على حسب كل جامعة، لأن في جامعات بتكون من GPA 5 = 100% وفي جامعات بتكون GPA 4 = 100%، ودا المنتشر عمومًا.
تقدير (A) = "امتياز"، وبيبقي الـ GPA بتاعك فيه أكبر من 3.5 لحد 4
تقدير (B) = "جيد جدا"، وبيبقي الـ GPA بتاعك فيه من 2.75 إلى أقل من 3.5
تقدير (C) = "جيد"، وبيبقي الـ GPA بتاعك فيه من 2.3 إلى أقل من 2.75
تقدير (D) = "مقبول"، وبيبقي الـ GPA بتاعك فيه من 2 إلى أقل من2.3
تقدير (F) = "راسب"، وبيبقي الـ GPA بتاعك فيه أقل من 2
🔴في الحالة إن التراكمي فـ أخر سنه كان أقل من 2 بتسجل مقررات إضافية من اللي درستها قبل كدا لتحسين المستوى.
وفي جامعات بتشترط إنك تعدي 2 في الـ GPA عشان تسجل عدد ساعاتك كاملة زي دفعتك، وإلا مش هتتخرج إلا لما تخلص عدد ساعاتك كاملة.
🔴تقدر تحسب المعدل التراكمي بتاعك بكل سهولة من هنا: https://www.calculator.net/gpa-calculator.htm
#عرفوهم_حاسبات
