ايه هي كلية الذكاء الاصطناعي

 كتير من الطلاب بيسأل عن الفرق بين كلية الذكاء الاصطناعي، وكلية الحاسبات والذكاء الاصطناعي، في البوست دا هنوضح كل التفاصيل دي إن شاء الله.

◀️ كلية الذكاء الاصطناعي

دي كلية موجودة فى جامعة كفر الشيخ قبلت أول دفعة السنة اللي فاتت و مدة الدراسة فيها أربع سنوات والدراسة فيها بتكون بنظام الساعات المعتمدة

◀️بتدرس ايه في الكلية دي؟

الكلية بتهتم بدراسة علوم الذكاء الاصطناعي فـأنت بتدرس المجالات الخاصة بيه زي الـ Machine learning , Deep learning , Robotics 

◀️الأقسام الموجودة في الكلية؟

1️⃣ برمجة الآلة واسترجاع المعلومات (learning Machine and information retrieval)

2️⃣الروبوتات والآلات الذكية  (The Intelligent Machines and Robotics)

3️⃣تكنولوجيا انظمة الشبكات المدمجة (Network Embedded Systems Technology)

4️⃣ علوم البيانات (Data science)

◀️القبول و تنسيق الكلية

 الكلية بتقبل من علمي رياضة وتنسيقها السنة اللي فاتت كان 92.3%   

◀️ ايه الفرق بين كلية الذكاء الاصطناعي وبين كليات الحاسبات والذكاء الاصطناعي ؟

في كلية الحاسبات بتدرس بعض العلوم الخاصة بالذكاء الاصطناعي ومش بتتخصص ذكاء اصطناعي مثلًا لكن بتدرس مواد خاصة بيه في الفرقة التالته أو الرابعة أما في كلية الذكاء الاصطناعي بتتيح لك دراسة الذكاء الاصطناعي من أول سنة وبيكون هو التخصص القائم طول سنين الكلية

◀️ بالنسبة لمواد الكلية، أنت هتدرس مواد زي (Computer Fundamentals, Intro to Linear Algebra, Databases, Statistics, Concepts in AI)

وتقدر تشوف دليل الطلاب من هنا: http://www.kfs.edu.eg/ai/pdf/239201910105623.pdf

#عرفوهم_حاسبات