هنتكلم النهاردة عن حاجة مهمة جدًا بتحصل معانا وقت التنسيق و هي إن كتير مننا في التنسيق مش بيلحق الكليات الحكومية فبالتالي بيتجه للكليات الخاصة أو المعاهد و كلامنا أكتر عن المعاهد بالتحديد و هنقول كل المعلومات اللي معظمنا محتاج إنه يعرفها 👌
خلينا نبدأ و نقول ايه هو المعهد و ايه الفرق بينه و بين الكلية ؟؟
⬅️ معاهد علوم الحاسب بتنقسم ل 3 أنواع :-
🔴النوع الاول : هي معاهد علوم الحاسب "4 سنين" و دي بتقبل من علمي رياضة فقط و بيكون التنسيق بتاعها حد أدنى 70% هي شبيهة لكلية حاسبات و معلومات الحكومية و معتمدة من قبل الجمعية المصرية لمهندسي البرمجيات.
🔴النوع التاني : "4 سنين" و دي بتكون معاهد نظم المعلومات الإدارية أو الحاسب الآلي أو الحاسبات و نظم الإدارية و بتقبل من علمي علوم و شهادتها بتكون معادلة لكليات التجارة الحكومية.
🔴النوع الثالث : "سنتين" معاهد الحاسب الآلي و اللاسلكي و دي أقل معاهد الحاسب الآلي و بتقبل من علمي علوم وخريجها بيكون تعليمه أعلى من المتوسط و بتقبل بحد ادنى 50%.
و بما إن إحنا في حاسبات أو معاهد علوم الحاسب زي ما بنقول خلينا متفقين طبعًا إن الاجتهاد و السعي هما الأهم بالنسبة لأي معهد أو كلية و هو اللي بيفرق في تحصيلك للمهارات اللي أنت محتاجاها عشان تبقى مؤهل لسوق العمل و تثبت نفسك ف المكان اللي أنت فيه لأن مجالنا معتمد على ال "Selfstudy".
🔴من أشهر المعاهد لعلوم الحاسب
معهد الجزيرة العالي (المقطم)
معهد التكنولوجيا العالي (الشروق)
معهد السلاب للحاسبات (المنصورة)
معهد القاهرة الجديد (التجمع)
معاهد المدينة العليا للهندسة و الحاسبات(الجيزة)
مودرن أكاديمي (المعادي)
معهد عين شمس العالي
المعهد الكندي
معاهد طيبة العليا (جيزة - المعادي)
معهد التكنولوجيا العالي (العاشر)
بالنسبة لمصاريف المعاهد بتبقى بتتراوح ما بين 4000:10000✨
