اقسام كلية حاسبات

 

في البوست ده هنتكلم عن 3 أقسام في الكلية و دول الأقسام اللي وموجودين في اغلب الجامعات 

1️⃣Cs (computer science)

القسم ده بيركز على دراسة البرمجة و البنية التحتية للبرمجيات وازاي تعدلها وتطورها 

المواد بتاعته بتختلف من جامعة  للتانية بس زي ما قولنا هو بيركز على برمجة الحاسبات ولغات الحاسب ونظم التشغيل  بالإضافة لحاجات تانيه اساسيه بتكون مشتركة بين القسم و الاقسام التانيه زي الشبكات  وبعض المواد الخاصه بقواعد البيانات 

المسمى الوظيفي لخريجي القسم ده في مصر بيكون مبرمج او مطورو بره مصر بيكون  مهندس برمجيات

2️⃣is (information system)

القسم ده بقا بتتركز الدراسة فيه على نظم المعلومات وإزاي بنتعامل معاها وتحليلها وتأمينها واي حاجه تخص نظم المعلومات عموما 

مواد القسم بتختلف من جامعه للتانية بس بيكون فيه مواد الخاصة بقواعد البيانات ونظم المعلومات  بالإضافة للمواد المشتركه مع اقسام تانيه زي الشبكات وبعض مواد البرمجه المهمة للقسم

◀️ أهم مواد القسم "على حسب الجامعة" -< قواعد بيانات، تنقيب البيانات، حوسبة سحابية، نظم المعلومات الجغرافية، أنظمة الشركات، بيج داتا  

المسمى الوظيفي بعد التخرج بيكون محلل نظم  ومطور نظم ومدير قواعد بيانات 

3️⃣it (information technology)

القسم ده بيهتم بدراسة الشبكات بأنواعها المختلفة  وبرمجتها وتامينها 

مواد القسم بتختلف من جامعة للتانية بس زى ماقولنا تركيزه بيكون علي الشبكات 

لما تيجو تتخصصو باذن الله هتلاقو ناس بتقول انها هتدخله هروبا من البرمجة أو اعتقادا ان مفهوش برمجه بس القسم فيه برمجه عادي بس البرمجه الخاصه بالشبكات لكن مفيش قسم اسمه مفهوش برمجه

◀️ أهم مواد القسم "على حسب الجامعة" -< شبكات المعلومات، الشبكات الرقمية، الواقع الافتراضي، تأمين الشبكات، برمجة الشبكات 

المسمى الوظيفي بعد التخرج بيكون مهندس شبكات او مصمم شبكات

#عرفوهم_حاسبات