طالما قررت انك هتدخل حاسبات ركز معايا في البوست ده كده🤩 هنتكلم عن أكتر مواد هتفيدك في الكلية خلال ال 4 سنين وده عشان بيعتمد عليها مواد كتير وفيها أساسيات من المهم تكون فاهمها
▶️beginning of programming:
بتدرسها فى سنه أولى باختلاف اللغه اللي بتدرسها بيها عشان بتختلف على حسب الجامعه الماده دي تُعتبر أساس فهمك للى جاى عشان بتديك أساسيات البرمجه ودي بتكون ثابته في كل اللغات والي بيختلف لغة الكتابه بس
▶️Data structure:
ماده أساسية ومهمة جدا بتعلمك ازاى تخزين وتنظيم البيانات على جهازك بحيث يمكن استخدامها بكفاءة من حيث الذاكرة
▶️Data base:
مادة مهمة جدا في الكلية عشان هتعلمك حاجات كتير و هتفتحلك مجالات أكتر تتعلمها
الماده بتعلمك ازاى تتعامل مع الداتا وتعمل عليها العمليات الأساسية زى الحذف والإضافة والبحث ومين يقدر يوصل للداتا دى ويعدل عليها ومين لا
▶️Maths
فى كتير بيقول انا هعمل بيها ايه وأنها مش مهمة وكده بس بالعكس هى مهمة جدا هى و الاحصاء كمان لو هتتخصص بعد كدا في مجال ال Artificial intelligence هى سهله لان أغلبها رياضيات ثانوي
▶️Physics:
برده تُتعتبر من المواد اللى كتير بيهملها وبيقول
انها مش تبع المجال ومش هيستفيد منه بس العكس طبعا الفيزيكس داخله فى مجالات كتير زى ال Embedded System وال gaming وهى برده ماده سهله لان أساسياتها وخدنها من ثانوى
▶️Object oriented
programmings:
من المواد المهمة جدا التى تدرسها فى الكليه ومطلوبة جدا جدا فى سوق العمل والأهم أنها هتساعدك فى الشغل فى كل المجالات لأنها ببساطه عباره عن طريقة لتبسيط كتابتك للكود و بتستخدمها فى كل لغات البرمجة
▶️Artificial intelligence:
من المواد المهمة في الكليه لان ال ai يعتبر مجال لوحده ولأهمية المجال ده وانتشاره في أكثر من كليه موجودة باسم الحاسبات و الذكاء اصطناعي وفى كلية ذكاء اصطناعى لوحدها كمان بيدرسوا التخصص دا لوحده
▶️Assembly :
أو ما يطلق عليها لغة التجميع
دى بتدرس فيها ازاى الـ processor بيشتغل و بيتكون أصلا من ايه و أنواعه وما إلى ذلك
▶️Software engineering(1,2)
هي مادة خاصة بكيفية تطوير و تصميم البرامج و ايه الخطوات اللى بتتم لحد ما يصبح البرنامج او الproject كامل و يقدر الـuser يستخدمه
▶️Multimedia
دي بتدرس فيها العمليات ع الصور والفيديو والصوت
▶️ Information Engineering :
دي هتدرس فيها طرق التشفير المختلفه
▶️Compiler
بتتعلم فيها مراحل تنفيذ الكود وازاى الكود بيتحول من High Level Language إلى لغة الآلة Machine Language
بالاضافه اننا بنتعلم ازاى نقدر نبنى الكومبيلر الخاص بيك
🔴ملحوظه : أسماء المواد بتختلف في الجامعات المهم المحتوي اللي اتكلمنا عنه لو اخدتوا في اي ماده بغض النظر عن اسمها اهتم بيه
#عرفوهم_حاسبات
