ايه هو قسم الBioinformatics

 🔴ايه هو مجال المعلوماتية الحيوية أو زي ما هو متعارف عليه بال "Bioinformatics" 

مجال بيهتم بالتعامل مع البيانات الحيوية زي ال "DNA" و ال "RNA" و ال "Protein"، بيهتم كمان بالعلاقة بين الچينات وآليات تشغيلها عشان تحقق وظيفة معينة بيولوجية و بكده البيانات البيولوجية دي بقيت "Big data" معقدة جدا محتاجة برامج تقدر تتعامل معاها عشان نقدر نطلع منها معلومات و اكتشافات جديدة و دي التطبيقات اللي بتشتغل عليها زي اكتشاف چينات ليها علاقة ببعض الأمراض 

🔴طب بندرس ايه في القسم دا 

بتدرس مواد دمج بين ال "biology" و ال "Computer Science" يعني بتاخد "biochemistry” و "organic chemistry" و "biology" و طبعا طالما حاسبات يبقا هتاخد "programming" و "Software engineering" و هياكل بيانات و مواد تانية زي احصاء و"Math"

🔴طيب بالنسبة للشغل 

المميز في القسم دا غير التخصصات اللي اتكلمنا عنها فوق و اللي هى الحقيقة الشغل فيها نادر في مصر انك ممكن تتخرج تشتغل عادي زيك زي ال "Software Engineer" و متاح ليك كل التخصصات بتاعته لو انت اجتهدت طبعا و اشتغلت على نفسك و اخدت كورسات و ولازم تبقا عارف ان المجال معتمد على ال "selfstudy"

يعني انت ممكن تشتغل "android developer/data analyst/web developer" و طبعا "bioinformatics researcher" و دا بيشتغل في مستشفيات كبيرة زي 57357 مثلا

🔴طيب نيجي بقا نعرف هو القسم دا موجود في انهى جامعات في مصر

و هنقول التنسيق بتاعها السنة اللي فاتت و مصاريفها كانوا كام

⏏️الجامعة   ⏪    الحد الأدنى   ⏪   المصاريف

عين شمس             90.2%           30الف

القاهرة                 94.1%           30الف

المنوفية                93.6%           12الف

كفر الشيخ             92.3%           18:20الف

أسيوط                 90.7%           22الف

المنيا                  93.5%          13الف

🔴طب ازاي بقدم على القسم دا و ايه شروطه

هل القسم ده بينزل ف التنسيق؟

لا

اولا الشروط انك تكون جايب الحد الادني لتنسيق حاسبات ومعلومات في السنة 

ثانيا التقديم بيكون انك بتملي الرغبات عادي في المرحلة بتاعتك وبتكتب اي كلية انت عايزها وبعدين لما نتيجة التنسيق بتظهر بتاخد بطاقة الترشيح وتروح الكلية وتطلب تحويل لحاسبات ....... بتكون عامل حسابك ف قلم وبطاقة الترشيح و المبلغ اللي الجامعة طالباه للتحويل+ ان الكلية بتطلب عدد معين وبتعمل تنسيق داخلي... فلو طالبين مثلا 300 طالب و فيه 500طالب مقدم هياخد اعلى 300طالب منهم ماعدا عين شمس بتاخد بأسبقية التقديم

#عرفوهم_حاسبات