وبعد ماتكلمنا عن ال3 اقسام الاساسيه والمنتشرة للكليه هنكمل كلامنا عن الاقسام لان لسه في اقسام تانيه بس مش موجوده في جامعات كتيره وكمان مش منتشره اوي في سوق العمل بس حبينا نعرفكم بيها سريعا كده🤍
1️⃣(Scientific Computing)SC
القسم ده في رياضيات كتير بس مش رياضايات بحته لا هو تطبيق على نظريات الرياضيات في الحاسب او من خلال الحاسب وبيدرس فيه حاجات زي الرسم بالحاسب والنمذجه والمحاكاه والمواد الخاصه بالاحصاء بالاضافه للحاجات الاساسيه من مواد البرمحه وغيرها
◀️القسم ده موجود في عين شمس وبنها
2️⃣Basic Sciences)) BC
القسم ده بيهتم بدراسة اساسيات الكمبيوتر من الناحيه العلميه يعني بالنسبه للفيزياء والماث والاحصاء وهكذا
◀️القسم ده موجود في عين شمس والفيوم والسويس
3️⃣Geographic Information Systems)) GIS
النوع ده من نظم المعلومات بيهتم بتحليلل البيانات الجغرافيه للمساعده في اتخاذ القرارت
وبيدخل المجال ده في حاجات كتير زي التخطيط العمراني واستكشاف شكل الاراضي وبناء الخرائط بكل أشكالها
◀️القسم ده موجود في جامعة القاهرة
4️⃣Decision Support and Progresses Researches)) DS-PR
القسم ده بيكون فيه رياضيات كتير بيهتم بدراسة كيفية اتخاذ القرار في العمليات الالكترونيه وتخطيط المشروعات وتنظيم قوائم الانتظار
شغل القسم مش متوافر اوي بس شغل القسم بيكون في الاماكن الحكوميه الكبيره زي مجلس الوزارء وغيره
◀️القسم ده موجود في القاهرة والزقازيق و المنوفية
بس السنه الي فاتت مقبلش في المنوفية فا احتمال يتقفل هناك خلاص
5️⃣Multimedia
القسم ده بيهتم بدراسة مختلف فروع الوسائط المتعددة وبحوثها العلمية والتطبيقية
خريج القسم ممكن يشتغل
Digital Photographer , Film Making , Graphic Designer , .NET Developer , Java Developer, 3D Artist
◀️القسم ده موجود في اسيوط وبني سويف
